مشاركة الشاعر والإعلامي عيدغانم المفالحة الشراري بمناسبة زواج الشاب صالح والشاب خالد أبناء الشيخ عبدالله بن هلان الورده شيخ الماضي من العزام من قبيلة الشرارات
المسا زان وتزين طاب ليله
والمشاعر تبرق وترعد اخياله
من اسبوعاً والمطر شلال سيله
في مضيفاً تعجبك صفت ادلاله
عند راع الطيب كساب النفيله
من رموز أهل الفخر وأهل الجماله
في فرح شيخاً من شيوخ القبيله
بارك الله فيه وبفرحة اعياله
شيخ من ربعي يشرفني مجيله
واتنومس وافتخر يوم اعناله
عند شيخاً معتلي راس الطويله
بالعلوم الغانمه والطيب فاله
الحصان اللي اتشرف سبق خيله
من اسطبل أهل الاصايل والأصاله
نفتخر به والفخر من قبل جيله
مبطياً ماتوه من اليوم جاله
يوم عسرات الامور المستحيله
عند ابوه الشيخ هلان ارتجاله
يوم مافيها احلول ولاوسيله
كم ثقيلاً شال حمله وارتكاله
والفخر بالشيخ عبدالله مثيله
به وبااخوانه ونعم ابكل حاله
ربعنا اللي كل منهم له حصيله
بالعلوم الغانمه يكفي لحاله
والكتاب اللي ماهو واضح دليله
ماطبعت احروف شعري في مقاله
والجدي بيٍّن ونجمه للدليله
صاطعاً نوره وثابت في شماله
وعن كثير الهرج يكفيني قليله
زبدة الموضوع عنوان الرساله
