الشاعر : سالم اليامي
الفكر لامن صفى والجو لامنه زان
اجيب راس العلوم اللي تسر العلوم
💚🇸🇦💚
محيط شعر وبحر ومخاويِ شيخ جان
اذا دعيته حضر واذا زهمته يقوم
💚🇸🇦💚
قصيدةٍ من طناختها وسحر البيان
يشوش منها الكفو وتضيق منها الرخوم
💚🇸🇦💚
من انتمائي وأصلي والبلد والمكان
وجوازي الاخضر اللي جعل عزّه يدوم
💚🇸🇦💚
قصيدةِ في ولي المجد والصولجان
إلا وليّ المراجل والسطا والسلوم
💚🇸🇦💚
اللي بعهده رخى واللي بعصره امان
واللي بفكره نما واللي بصدره رحوم
💚🇸🇦💚
ابو اليمين الكفو وابو اليسار المعان
وابو ابو كل شعب المملكه والقروم
💚🇸🇦💚
كنق الزمن ذا لا وربي كل الزمان
الله يديمه وصيته جعل ذكره يدوم
💚🇸🇦💚
زعيم لشرق الاوسط والبلد والعيان
مفكك المعظلات وغاسلٍ الهموم
💚🇸🇦💚
محمد ولد سيدي سلمان والعز بان
نجلس معه كلنا وان قام حنا نقوم
💚🇸🇦💚
قصيدةٍ في سموّك ماتبي ترجمان
مترجمه في العلا ومترجمه في نيوم
💚🇸🇦💚
فكرك ثمين وقراراتك جزالٍ سمان
وراسك صميدع وعقلك يالمحنك حلوم
💚🇸🇦💚
ياسيدي يالحصان بن الحصان الحصان
وياصقرنا اللي بعالي الجوّ دايم تحوم
💚🇸🇦💚
ذخر البلد والسياج الصلب والهندوان
وسيف العداله ورمح العز واقوى الختوم
💚🇸🇦💚
عليك مني سلام الله وعطر اللسان
وشعرٍ ملبس ذهب واغلى الحلى والهدوم
💚🇸🇦💚
من شاعرٍ منبري وشاعرٍ مكلمان
ينومس الاصدقاء ويدق خشم الخصوم
💚🇸🇦💚
ياسيدي يامحمد كل لازم وشان
فديت قلبك من الشوكه لبحر الهموم
💚🇸🇦💚
اجلس على عرشك وريّح وناظر وعان
وابشر بنا وانت مكفي سيدي ومخدوم
💚🇸🇦💚
من شبة النار لين الهيل والزعفران
حنى عصاك ويمينك ياقوي العزوم
💚🇸🇦💚
مع المواطن حزام وللعروبه ضمان
الله يلوم اللذي في حبنا لك يلوم
💚🇸🇦💚
بقلوب شعبك مصان وبرض جدك مصان
طرقٍ عن اللي ولاهم منتهي ومعدوم
💚🇸🇦💚
اللي يعاديك يبشر بالجفى والهوان
ندق خشم العدو وندوس راس الظلوم
💚🇸🇦💚
ياسيدي بشتك الضافي أمان الامان
من ضفه البشت نصره في كنفك محتوم
💚🇸🇦💚
القدس تشهد وغزه يوم غزو الكيان
حزمة الامر وقرار النصر منك محزوم
💚🇸🇦💚
اسقطت ياهو النتن واحزاب شلة ايران
واسقطت طهران واذنابه وشلة شالوم
💚🇸🇦💚
تقول للغرب لا لذل ولا للهوان
بامرك وأمر الرياض الامر منك محزوم
💚🇸🇦💚
ياناصر الدين وايات الهدى والقران
ومع العداله ولاهل الحق دايم تروم
💚🇸🇦💚
الراي رايك وانت الحاكم الصيرمان
ومعاندك يسقط ويركع لكم ومهزوم
💚🇸🇦
اكرب حزامك وسل السيف واصدر بيان
ان كان ودك نبي نفطر وودك نصوم
💚🇸🇦💚
اللي تدينه بعين الشعب دايم مدان
ومن تشكره نشكره وامرك مضى ومحسوم
💚🇸🇦💚
قصيدةٍ في سموك قبل شهر رمضان
يالكامل اللي نشوفه كاملٍ ومعصوم
💚🇸🇦💚
خليت لشعب هيبه واتكيت وعوان
ومن فعلك المملكه بين القمر والنجوم
💚🇸🇦💚
من عهد جدك وربعك كاسبين الرهان
اخوان نوره عمى عين العدو والخصوم
💚🇸🇦💚
وخوالك رجال يامٍ قاتلين الجبان
ابشر بنا في المعارك والوغى واللزوم
💚🇸🇦💚
نلعن ابو خاين الدوله ويرجع مُهان
وطويق جنبه تجي دخفه وقلعة رعوم
💚🇸🇦💚
الشعب في جنبك الايمن خوال وخوان
اقولها صادقٍ واقولها لك جزوم
💚🇸🇦💚
اذا تبينا اتزان ابشر نصير إتزان
واذا تبيها هجوم ابشر بنا في الهجوم
💚🇸🇦💚
عدونا فلان ذاك وذاك الاخر فلان
من فوق علباه يبشر بالكوي والوسوم
💚🇸🇦💚
الشعب ماحركه خاين ولا بهلوان
اللي بلندن ورى وهمه يبيع ويسوم
💚🇸🇦💚
ياسيدي والله العظيم وقت الاذان
وفي كل لحظه وعام وكل شهرٍ ويوم
💚🇸🇦💚
محبتك بالظلوع وفي الدمى والمحان
وفي حبك الشعب يسبح في بحره ويعوم
