مشاركة الشاعر والإعلامي عيدغانم المفالحة الشراري ،في الحفل الذي أقامه ،الوجيه الأستاذ خلف مهجع البركات الشراري ،تكريماً للشاعر عقاب العديلاوي .
في محفل البركات طاب المسا طاب
واسترسلت فيها حروفاً جديده
لاصار مابالشعر مبدع وعراب
وش فايدة مايكتبه بالقصيده
لازم يوضح كل شياً له اسباب
لايحتفظ باللي كتب في بريده
وانا هنا الليله اسجل لي اكتاب
فيه انتهز هالفرصه اللي سعيده
والبيت ماهو بيت من غير الاطناب
وعمدانه اللي ترفعه مع وتيده
وراساً مايطنخ بالحميا وينهاب
لو انه من اقرب قريباً ماريده
واللي على فعل المواجيب كساب
يستاهل ان السمن يسكب على ايده
واللي ماعمره قدم الطيب لاشاب
لاينتظر عمراً جديداً يفيده
سلام من صدراً محباً وترحاب
على الجميع معطراً في نشيده
والنعم بالبركات نعماً له اعجاب
يستاهلونه والفعايل مجيده
والنعم تنطح نعم ماعنه مجناب
يستاهلون النعم مداً نعيده
ماهي غريبه وان تحلو بالاطياب
أهل المفاخر والعلوم السديده
من ربعنا اللي شبلهم بالكرم جاب
كل العلوم الغانمه والفريده
خلف مهجع بالكرم للهدف صاب
الله يكثر خيره وله يزيده
عز الله انه معتلي كل مرقاب
ونظرته دايم للغنايم بعيده
اثنو عليه ارجال يحسب لها احساب
والعلم يوخذ من هل العلم سيده
نعم الخوي يوم الردي قصر وخاب
بالطيب عزاً للرفيق وعضيده
تكريمه اللي صار للشاعر اعقاب
رمزاً من ارموز القبيله وليده
يستاهل التكريم من طيب الاشناب
اللي اعلومه كل ابوها حميده
اللي ماعمره عن مواجيبنا غاب
قبيلته من هيبته مستفيده
مجملاً عند القرايب والاجناب
يعجبك لاصارت اعلوماً امكيده
حراً ومخلابه ماهو باي مخلاب
ولاينتقم من صيدته بي صيده
اليا حمى الموقف تقدم ولاهاب
مواقفه بالغانمه له عديده
عز الله انه بالفخر لابساً كاب
كم عسرةً ناخت وهي له عنيده
وعقاب نوره بالسما نجماً اشهاب
على العدا مثل الجحيم الوقيده
الفعل باالميدان له خيل وركاب
يسبق به اللي ماتعثر ابقيده
يستاهل التمجيد من كرًّم اعقاب
تبقى لبوعبدالمجيد ابرصيده
