ميقوع – واصل – ثامر الشراري:
مشاركة الشاعر والإعلامي عيد غانم الشراري بمناسبة المأدبة التكريمية التي أقامها الوجيه الأستاذ صلاح ناجح المساعد الشراري لرجل الأعمال الأستاذ أحمد خليقان الغضيان وللأستاذ عبدالله عنيزان المفالحة وللأستاذ قاسم عبدالله المفالحة
الطيب وعلوم الرجال وسنعها
ماهي بحي الله تجي بالتساهيل
ضلعاً طويلاً شامخاً مرتفعَها
تنصف بها حتى عدوك عن الميل
ماهي على كيف البشر تصطنعها
ولافاز فيها ميت النار والحيل
تبغى حصاناً لاصهل ينتزعها
خيًّالها اللي مايجر الشماليل
تفخر بكفواً هقوته مامنعها
مطلاع نجماً كنه الجدي وسهيل
غريزةً ماهي بكذباً صنعها
فطره ولاجت له عريه وتضليل
كرامته ماهي ضعافه دنعها
من راسه اللي بالكرم يوفي الكيل
بالسوق ماتشكي يدينه وجعها
ولايتسوم من رخاص المهازيل
يشري من الجزلات طيٍّب جذعها
كرامته فوق الصحن فطًّح الحيل
ولانشد عن غالياً به دفعها
متمثلاً بالغانمه خير تمثيل
معزةً من طيب يمنى دسعها
ولايدور من وراها محاصيل
جلسة ابيوته للنشامى شرعها
بالديره وبالبر نهاراً وليل
كرامةً لضيوفه اللي جمعها
من روس ربعه في محله مقابيل
تراه ابونايف ونفسه ولعها
للغانمه تسبق مثل سبًّق الخيل
كفواً لها صلاح ناجح زرعها
على محلاً مدهلاً للرجاجيل
في مجلساً كل النشامى وسعها
مع زين منطوق النبا والتعاليل
على هلا وياالله حيه قدعها
امن الشحم ومسطرات المعاميل
الكايده لوهي عسيره طلعها
ولايرتخي عزمه من الحط والشيل
نفسه على درب المراجل طمعها
يرقى بها في عاليات المنازيل
والنعم تنطح نعم نعماً تبعها
ينساق له بالعود والبن والهيل
عسى فداه اللي علومه شنعها
بالكذب والتلفيق والقال والقيل
كلاً احروفه في كتابه طبعها
ماتقبل التزوير لو فيه تعديل
على طريق الخوه اللي انت معها
تِظْهر نتيجة مٌختبرك التحاليل
امًّا تفوز بنعم علماً نفعها
ولاًّ اتنزل من عيون الرجاجيل
واللي بصندوقه خزينه ودعها
تعطيه بحسابه جميع التفاصيل
