جديد القصائد
قصيدة مهداه الى الشيخ سطام المرتعد شيخ قبيلة اليمنه من الجعافره
بسم الرقيب اللي على خلقه حسيبا ماينام
الوحد اللي كلنا من تحت لطفه نرتجيه
المعطي المنان .. والرحمن.. والبر السلام
سبحانه المتعال كل الكون في قبضة يديه
ياعالما غيب البحور وعالما سر الانام
وياخالقي.. وفق ..لساني بالكلام اللي ياليه
رمز القصيد اللي نخيته واعتزى وسط الزحام
برق المزون اللي تزاحم والخلايق تحتريه
ماني مدونها على سطح البحر والا الغمام
تركب على.. سقفه ..بعد والا تروح ولاتجيه
تاريخها تاريخ ..حاضر ..يستحق الاحترام
وانشهد ان الماقف المحسوب له من يحتميه
سطام حطه عن يمينك بالزمن درع وحزام
سطام درعك والزمان اليا قسى عنز عليه
والمرتعد سطام شيخ اليا ابتدى نص الكلام
من فوق راس العز عز وبالشهامه معتليه
والمرتعد سطام شيخ الشمل قام الحض قام
ومخاب ظن اللي هقابه خير جاله معتزيه
ماطاحت النخوات من روس الرجاجيل العضام
لو زان لك وجه الزمان وشان بيضان الوجيه
طبع الكرام الوافيه مازل من طبع الكرام
هذي طبايعها من الله ماتبيع او تشتريه
