قصيدة بعنوان “عاصفة الحزم”للشاعر خالد الحارثي

الشاعر خالد الحارثي

سبحانه اللي خلق خلقه من اجله عبيد
فيهم سعيدين وايضا فيهم الاشقياء

واللي ينال الشهاده في مماته سعيد
اختاره الله يكون بصحبة الانبياء

الموت سنه لكن المؤمن المستفيد
في جنة الخلد مسكانه وقبره ضياء

فخرالوطن فخر للحرث ورابع شهيد
في واجبه مات تفخر به قبايل قياء

من مات دون الوطن والدين فعل مجيد
هذي حقيقه مافيها كذب ولا رياء

سلطان تفخر به الحرث وفخر القصيد
ربعه عضاويين والحرث رجال اقوياء

على العهد مع حكومتنا لايمكن نحيد
يامر ملكنا وحنا للمليك اوفياء

واكبر مثل كم لواء استشهد ورتبة عميد
ضباط مع صف ضابط والجنود اخوياء

ابناء الوطن كلهم نفخر بهم والاكيد
انا على قلب واحد ماعدا الاغبياء

اللي غدو للوطن والدين غصة  وريد
مفجرين المساجد مال قلع النياء

فئه قليله ولافيهم حكيم رشيد
يالله دخيلك من الدجه وكثر العياء

شعب  السعودي هل الوقفات مابه جديد
نقف مع الجار والمظلوم والاسوياء

مع العرب كم بذلنا كل جهد جهيد
لو ينكرونه قليلين الوفاء والحياء