? ? ديرة هل العوجا ? ? للشاعر فهد زعزوع وحُب الوطن ☝? ?? طبع – لا تطبُّع ?

يا هيه هذي ديرة الجود و العْود
ديرة هل العوجا أسود السيادا

في حكمهم نبقى على العز والزود
وفي حكمهم نرفع شعار الريادا

آل السعود اللي لهم مجد مفنود
تاريخهم بصدورنا ما يبادا

وان كان عندك كيد حنّا هل الكود
ما هزنا قبلك صهيل الجيادا

والله ي جاهل دونك الحد مسنود
والله نبيدك من على الارض ِإِبادا

هذا وطنّا دونه سدود و سدود
و دونه رجالٍ بالشدايد شِدادا

ماتفرض الفتنه ولاتفرض بنود
تاريخنا لبّسك ثوب الحدادا

حنّا بني وايل لها سنود وجنود
و ارواحنا فدوة سليل القيادا

يابو فهد تبشر وحنّا لك ردود
حنّا سندك وكلنّا لك إسنادا

إلّا ..!؟ الوطن يا راية الذل يا سود
لا تحسب انك داعشي لك سيادا

ما لك لوا .. و إيران ما تبشر بزود
ولا يبشر الحوثي وحنّا الزِنادا

ولا يبشر اللي نيته بين القيود
ولا يبشر اللي طامعٍ بالقيادا

يالمملكه موروث حبك من اجدود
وانا السعودي و افتخر بالسيادا