- الشاعر نصير بن سعود
تغيّر الاصحاب فالوقت عادي
مايزعل الرجّال لو كان ماكان
حاول تكون انسان واثق وهادي
ترى الثقه توضّح شعور الانسان
وان شفت في الصاحب جحود وتمادي
خلّه على وضعه تعلّمه الازمان
وترى الرجل مايلتفت لـ الدوادي
لو ثار قدّامه من الهرج بركان
ولا تعااااند من يحب العنااااادي
ترى الرجال انواع ، واشكال والوان
به رجل حافظ لـ الشيم والمبادي
وفي فزعته حرً مثل طير حوران
وبه رجل عن درب المطانيخ غادي
والله ما يسقيك لو كنت ضمياان
وبه رجل بـ السمعه كما النور بادي
لكن نظامه مااااش شيً بـ مجاان
والِّا انت ياللي كنت احسبك شدادي
طلعت دون الظنّ والفعل يافلااان
