“يالله يامعبود يارب الارباب” قصيدة للشاعر الكبير/ مزيد بن محمد العتيبي

يالله يامعبود يارب الارباب
ربن جميع الخلق ترجي ثوابه
سلط على اللي جاب للناس الارعاب
المسلم العاقل يقطع ثيابه
يامسلمين ادعو على كل الارهاب
ادعو عليهم دعوتن مستجابه
ادعو على داعش ومع داعش احزاب
خرابتن ماتسكن الا خرابه
ياهل العقول الصاحيه صكو الباب
ترى الشباب اليوم راحوا نهابه
ناسن تغير ماعرف ويش الاسباب
ونص الشباب اليوم يفقد شبابه
لو ان ابوه يتابعه كل ماغاب
ينشد ويسأل ويش سبة غيابه
قدام لاتكثر معه كل الاصحاب
اللي تشب النار بين القرابه
شبابنا راحوا تحت حكم الاجناب
تلعب به الاجناب لعب الربابه
امه تهل الدمع والدمع صباب
وابوه بس يعض نابه بنابه