- الشاعر ماجد القرشي
ياللي توادع عامك بصـوت مبحوح
العام راح وجرحك اليـوم . . باقي
قوم اشعل سراج الأمل واترك النوح
وارمي على جرحـك يمين الطلاقي
اضحك وسولف وابتسم جد ومزوح
واقبل على دنياك بـ احساس راقي
اغنم زمانك قبل ما عمرك . . يروح
وانته سجينٍ بين . . هـم . . وفراقي
اللي حصل ماضي ولا عاد به روح
واللي جنيته لا حشى . . ما يذاقي
واللي تمنى شيء . . لازم له طموح
حتى ولو صـدره من الحزن ضاقي
لو كان في دمعي .. فوائد ومصلوح
بجيك بدموعن .. تسـابق . . سباقي
لكن هذا الوضـع والعلم . . بوضوح
عنيت رجلي وانكسر غصب ساقي
شفني على المشراف بانيلي صروح
مقفي عن الدنيا . . و داعي اشتياقي
لا ماضيٍ عنـدي ولا حاضر يلـوح
واكبر طموحي ما تعـدأ . . نطاقي
ياليتنا ندري . . وش نقول : ونبـوح
كان السكـوت ارحم ولو ما يطاقي
ودعتك الله يا عذابي . . ومسمـوح
يا جعل ما بيني وبينك . . تلاقي
قصيدة جميلة ماشاالله تبارك الله صح لسان شاعرها
صح لسانك
ممتع دايما ابو شادن وحروفك لها ذوق ورقي خاص