************
عزتي للي شعور الشوق تله.
تلة المعلوق من وسط الضماير.
تلة اللي يوم زان الخط تله.
لكززٍعن نقطة التفتيش ناير.
فوقه اللي كل ماهدا دبله.
ميتٍ قلبه على شوف العشاير.
ذابحه شوف البكار ولا حصله.
له شهر عنها وتذبحه الحساير.
تاركٍ زامه ومطويٍ سجله.
ولاحسب من شانها كثر الخساير.
رغبته بين العيون ولا فطن له.
لين قام الخط تطويه التواير.
وكن سيف العز باليمنى يسله.
لاتمثنى القاع وغباره تطاير.
وفرحته في شوفهن يوم اعطفن له.
فرحة المسجون لاجته البشاير.
واعذاب اللي تمنى شوف خله.
ذايقٍ من طول فرقاه العزاير.
والحيا والبعد دونه مرتكن له.
حالة(ن) فيها يضيعن البصاير.
بين هم وبين ضيق وبين عله.
وهاجسٍ لاحل ذكره جاك غاير.
والقدم ممشاه كنه فوق مله.
والعيون ارخت هدبها للعباير.
اشهد ان الحب يرثك المذله.
ودايمٍ حكم الغلا والحب جاير.
ومن خذا اللي يهتويه بكل زله.
ماكسب غير الشقى والدم فاير.
ومن رسم حلم الحياه ولا وصله.
يقبل المكتوب والمكتوب صاير.
************
