الشاعر عبدالكريم المحينيش ياسرع الايام يوم تمر وتعدّي ساعاتها صارت اسرع من دقايقها فاتت عليّه وانا ودّي ولا ودّي مابين راحت علي وبين ابا الحقها شدّيت حيلي ورا الايام من جدّي طردت الاحلام لين ازريت احققها مديت يمناي وظروفي على قدّي وحلفت مااردها لو اتعلقها كديت لين الحديد انهار من كدّي تضحك لي الفاتنه وانا مصدقها ويوم انتبهت لمصير ابويه وجدي اخترت ربي عن الدنيا وبارقها من فتنة المال والدنيا هذا حدّي ماعاد اباها عسا الله مايوفقها دنيا الفنا كلها مابيحت سدّي مدام رزق الخلايق عند خالقها ماهمني لو تقف كل البشر ضدّي وانا العلاقات مع ربي موثقها
