يالشاعر المعروف يادائم السيف
ياخالد الفيصل رفيع المقامي
بيوت شعرك كأنها دلة الكيف
والكيف على شعلة النار حامي
شاعر عبر حلمه وعابر مع الطيف
بنا الكلام اللي عليه الكلامي
الطيف ألوان ياثامن الطيف
زدت المعاني والجمل والاسامي
شاعر ويعرف للشعر والنظم كيف
يادائم السيف أنت حد الحسامي
ما أثر عليه البرد ولا أثر الصيف
أربع فصول يتمها بالتمامي
شاعر مخضرم وأكبر من التواصيف
شاعر كبير وموقعه بالامامي
خلد دواوين الشعر والاراشيف
الإسم الأكبر واكبر من الأسامي
قصائدة وصلت لباريس وجنيف
واقطار وكل قبله وشامي
الفيصلي ماهوب محتاج تعريف
ولاينصفه نظم الشعر والكلامي
عبدالمجيد فاروق نايف العتيبي
0569760855
