سيدي سلمان يا عين وجفون ياشموخ(ن) يرتقي فوق السحاب شعبك المغوار..قدامك تمون من شموخك زلزلوا كلّ العقاب والشدايد كلّها ترضخ كنون تنّحني قدام شعب(ن) مايهاب تنّبسط بالعز له كلّ الفنون قدّوته سلمان شهّم(ن) ما يُعاب سيّد التاريخ..سلمان الحنون قايد(ن) له تنّحني كلّ الرقاب شوف عزم وحزم تتخلد قرون مخلصين العهد له شيب وشباب رعد قاصف شمال(ن) للمجون لا حشى للشدّه مانحسب حساب لو يثور الكون أحزان وشجون في حمى سلمان كلّ العيش طاب كلّ صعب(ن) يالغلا والله يهون ينفتح به للفرج مليون باب سيّدي سلمان شعبك مايخون لا أبد مايوم فينا الظنّ خاب للجميلة والشجاعه الف عون والكرامه والشهامه والصواب دايما ً نقطع مسافات المنون من شموخك قد تحدّينا الصعاب ياوطننا ما تغيرنا السنون انت عالي للعدو خزي وسباب بين عزم ورعد حزمك يامصون جعلنا فدوه ترابك والضباب كلي شعري لك هيض ومزون واعتذر وانا مقصر في الجواب خادم البيتين خير(ن) له هتون قائد الإسلام والعرب العراب وحد الأمة ومن اجله يجون كلمته خفت جروح(ن) والحراب والشمال طيارته تقصف شنون رعد قاصف دمر العدوان صاب يالسعودي يافخرنا دون دون قبلة الاسلام يحميها الكتاب الوطن نفديه بالمال وبنون راية التوحيد عزك وللخائن عذاب
صح لسانك. ياعسيري