أمير الشهامة
يا سلام الله على امير الشهامة
الحسام ابن السعود ابن الإمام
اسم فخم وتكتسي منه الفخامه
والنسب والجاه لملوكٍ كرام
خصه الله بالمزايا والكرامة
والله اللي شرفه قدر ومقام
الشهادة والإمارة والوسامة
والشجاعة ما امتلكها إلا حسام
اشهد انّه ذروة المجد وسنامه
واشهد ان المدح في غيره حرام
إلّا في سلمان سلمان الزعامه
أومحمد باني المجد الهمام
سيدي يفرض على الناس احترامه
من يحب الحسم عمره ما يُلام
ان تحزّم سيدي حنّا حزامه
وان تبسّم سيدي حنّا تمام
نظرته لامن نظر فيها صرامه
وضحكته لا من ضحك امن وسلام
سيدي وافي بعزمه والتزامه
سيدي راعي المهمّات الجسام
سيدي فعله و توجيهه علامه
طوّق الباحه بحبٍّ واهتمام
تشهد بتطويره الدايم تهامة
والسراه تعانق أطراف الغمام
الحسام اللي يعلّمنا نظامه
ميزة الإبداع عامٍ بعد عام
لا تلوموا شاعرٍ مجمل كلامه
في الحسام اللي حروف اسمه وسام
افتخر لا قلت انا شعري امامه
وانشد ابياتي بحبٍّ وانسجام
وادعي الله ان يحقق له مرامه
والصلاة على النبي مسك الختام
مسفر العدواني
