نلوم الزمان ونلحقه شرهه ومنقود
وهو لا عليه ولا لنا حق في ذمه
مثل من يبرر عن خطاه وعليه شهود
يبي يبعد مطمه وهو يجلب مطمه
ترا العمر مهما زاد نقصه يساوي الزود
لكن ابذل الهمه عسى تبلغ القمه
مدام الحياه ايام فيها العمر محدود
توجه بدربك صح خلك على اليمه
لون الحياه تعيشك في رغد مشهود
تراها حياة فانيه مالها ذمه
وترا دربنا واحد وتالي العمر مردود
وكم واحد روح وهو ماقضى همه
تدور الحياه وتاليتنا قبر ملحود
وترجع الامانه والقبر يحفظ الرمه
الشاعر / مجهارالاكلبي
