جديد القصائد

ذقت كاس المحبة والهوى والغرام

ذقت كأس المحبه والهوى والغرام
والحلا والمرارة من طعم كأسها
وإحتدني بوادي دون واد الهيام
القوي ربنا الله , لاقوى بأسهـا
وإحتريت الصباح وناح ورق الحمـام
أبني أحلام يهدمها على ساسها
ناس من بعد ناس.وعام من بعد عـام
والدهر ماترك للأرض عساسها
والحقيقه مع التقدير و الإحترام
تزعل اللي برأسه حطه برأسها
ينحف الجسم ماسبب هشاشة عظـام
فتنة ماهي بفتنـه من أساسهـا
والضماير مابين شعورها الإصتـدام
جوف بطن الأمان وتقرع أجراسها
دون أحلل حلال .و دون أحرام حـرام
ما أدري الريح وين يهب نسناسها
لاطعم للشراب ولاطعم للطعـام
كيفنا ما أحرق البنـّـه بمحماسها
تشتب النار وأصل النار برد وسـلام
نزغة إبليس صعب نحس بإحساسها
ننزل ونرحل ورأس الجمل فالخطـام
نضرب أخماسها ونضربها أسداسها
لكن آخر كلام اللي عليه الكـلام
قدمك الجره وكيف القدم داسهـا
كيف ندفع ثمن بضاعةٍ ماتسـام
إنسها وإنس عملة ناس من ناسهـا
شخص الحب شخصيا ً تشوف إنفصـام
وكيف صلب العظام يليـّن يباسهـا
لاتخليه يندس مثل رؤوس النعـام
إكشف الخطوة بخطوه وبقياسهـا
المحبه لياليها ليا الحـلام
تعمل أعمالها وتجزي من أجناسها
أنظر لعالم العالم على خط عام
من لبن زبدة الزبده ولحاسهـا
حط قوسين لا لاحظتلك حرف هــام
وتأجد اللي حرم عينك من نعاسهـا

الشاعر: عبدالمجيد فاروق الثعلي

شاركنا الخبر

مقالات ذات صلة

اترك تعليقاً

إغلاق