جديد القصائد
ترى الرجل عنده حدود ومبادي احرص عن احدوده وقدّرمباديه
ترى الرجل عنده حدود ومبادي
احرص عن احدوده وقدّرمباديه
سلم العرب ما يجهله كود غادي
واللي نسى سلمه عسى الله يهديه
يوم اختلط حضر العرب والبوادي
كلن يجي سيله على عرض واديه
اصل التعامل منبعه غير عادي
يعكس رداه وطيبه اصول راعيه
هرجه تجيلك كنهـا فوح كادي
من قالها ودك عـن الناس تفديه
وهرجن يجي كنه سيوفً حدادي
ناس بقفـاك تقولــه وناس تبديـه
عوج الرقاب اللي تعاف الشدادي
ماتدري ان ارقابهن عوج ياهيـه
راع الخطا لو مامشى بالتمادي
ماينعرف كبر الخطا وين باديـه
يبقى المحيط بنظرة الريح هادي
ماضره صغيّر لعب فيه بيديه
