الشاعر :معيض حمود الشملاني العنزي
انخاك ياطير السعد
سلمان تكفى ياالمليك
انت الملك وانت الفهد
والطيب كله مهتويك
انت الذراء وانت السند
والحل كله في يديك
صعدت وخليت الوهد
لاهنت ياالراي الحنيك
المجد بوجودك صعد
والشعب كله يحتويك
صيدك جزل ماهو قهد
لاهنت ياالكف السميك
لك فزعتن ياابو فهد
هي منوت اللي يحتريك
أفزع المضهودٍ قعد
ينخاك مايقدر يجيك
يكفيه من عندك وعد
ويكفيه لو سلم عليك
ولَك الولاء ولَك العهد
ياعل ربي يحتميك
