جديد القصائدزوايا

أحبهم والله وأدعي للأموات ، أهل العطا والطيب وأهل الطويله

unnamed (62)
الشاعر / هزاع العنزي

         أحبهم والله وأدعي للأموات    
 أهل العطا والطيب وأهل الطويله

أقولها من قلب ماهي حكايات
وحكامنا تدفع أموالن مهيله

من فضل المعبود راعي الفضيلات 
خيراتهم ضفت على كل عيله

                    للشعب والجيران سووا ضمانات                 
وشعيبهم بالخير ماشي مسيله

وسلمان تعلى فوق سطوح المجرات
يومن عميل ايران كلم عميله

والريس المخلوع ساس الخرابات
وعزي لكم ياأهل النفوس العليله

بغراب بقعا ماتفيد الجمالات
عقب العطا والطيب صاير هبيله

وش عاد لو يزبن الجبال الرفيعات
نجمه طمن والعواصف تشيله

الحوثي الغدار ماله سلامات
ولا همنا دمه ورقم الفصيله

هذي عوايدنا نهار القوامات
وياويلكم ياأهل العقول الضليله

وللضبعه العرجا نقلط كرامات
وتاكل براس الضلع وتنزل مسيله

ويذكر زعيم ايران كبر مخدات
وزعيمكم للموت قرب رحيله

ونشوفكم بالشاش وقمر عربسات
 وشجيعكم منحاش يومي شليله

الحلف شهر فوق النجوم الشهيرات
والحرب ماشي في نهاره وليله

أسرابنا بالجو بكل الوسيلات
وعدونا نعطيه نارن شعيله

صاروخنا ضد الجبال الرفيعات
مثل الرعد والبرق وقت المخيله

دون الوطن مانهاب المنيات
نموت حق ولا نحب الهزيله

قواتنا بالحرب لها مقامات
واللي حصل اليوم منا قليله

ولا عاد ننسى راع العلوم القديمات
يوم الجهل والكون وقدح الفتيله

بملكاده تشبع سباعن مجيعات
فوق الركايب والمهار الأصيله

وحد جميع الناس يوم القوامات
يوم المغازي والسيوف الصقيله

وشكل رجالن من رجال المهمات
وكل القبايل وحدوها قبيله

يوم الدليله ضاع وسط المتاهات
ورد على هيت بليا دليله

وفي ليله الفتح أعلن إعلانات
يومن إبن عجلان فارق حليله

ونطلب من المعبود رب السماوات
في جنه الفردوس يخلي سبيله

ويبقى سعيد بالجنان الرفيعات
يحماه ربه من عذابن يجيله

 

كلمات الشاعر/ هزاع بن منصور بن باجح الفقير العنزي

شاركنا الخبر

مقالات ذات صلة

اترك تعليقاً

شاهد أيضاً
إغلاق
زر الذهاب إلى الأعلى