من .. _ 10 العشر الأولى شافت عيوني النور بين البكا والضحك رحلة طفوله انام واصحى سالي البال مسرور لي نية بيضا وعين خجوله من 11_20 والثانية مرت تقل كنها اشهور مراهقة ومذاكرة .. كل جوله اسطر الاحلام في قلبي اسطور واللي على بالي بلا وعي اقوله من 21_30 والثالثة صاير معاند ومغرور اسرة وبيت وعزم ماحد يطوله حيلي يهد اجبال والاسم منشور كني وضعت ايدي على ملك دوله من 31_40 والرابعة حسيتني شخص مشهور وسط العمل والحي يلقى قبوله اخطي ولاني ع المتاهات مجبور واصيب واحسبني كسبت البطوله من 41_50 والخامسة فيها بديت اتقن الدور دور العقل .. دور الوفا والرجوله آماشي الأيام مع صبر وشعور مهما تعيش الروح تبقى جهوله من 51_60 والسادسة ماعاد لي حلم منظور والشيب في راسي تبين حلوله اولاد واحفاد .. وكذا شي محظور وقلبي على ادنى حال يظهر فضوله من 61_70 والسابعة في البيت قاعد ومقهور بعد التقاعد من يشيل الحموله واﻷدوية انواع من كل دكتور والموت في دنياي يقرع طبوله من 71_80 والثامنة والساق طايح مكسور عزي لمنهو ماتشيله رجوله جسمي تعب والعقل سارح ومبهور بالضبط كني في سنين الطفوله
