مجاراة بين شعراء المجلس العربي للشعراء والمثقفين (2)
يخطي علينا وحنا ندمح الزله
ماهو عشانه ولكنا تربينا
علمٍ تعداه ماهو بس يوصلَّه
إنه تردى !!!! وحنا ماتردينا
تركي الهذلي
سحاب الثلج
?????
حنا هل السلم واهل العلم والمله
وافكار الاشرار ما تغير مبادينا
الطيب المحترم نغليه ونجله
ولا الردي مانطيقه في مماشينا **
محمد الجراح
?????
إذا لزمنا الطريق الصّح واندله
والله واكبر توضينا وصلينا
نعرف حقوق العرب والكايد ان شله
ولا كل وادٍ يسيل ان قول وادينا
{{{{> عوض بن دشيل الحبابي <}}}}
?????
حنا ترانا نعقدالحبل ونحله
والله على سنة الهادي يقدينا
ولايهون الخوي في سلمنالله
ونحذر من اللوم ونحسب خطاوينا
جابر بن محمد اليامي
?????
حي الله إلي يحدالسيف ويسله
الصوت مسموع من جمهورنادينا
جاتك بيوت على الطاروق منتله
يلي جذبناصدى صوته ينادينا
عيد محمد القرقاح
?????
الناس تعرف شجيع القوم والعله….
وتعرف اللي بلا دنيا ولا دينا……
وتعرف اللي تربا يعشق الشله….
صوته يدور لمثله لا ينادينا….
نور العاصمي
?????
عاداتنا الطيب و الفنجال والدله
وسيوفنا في دروب الحق سلينا
واللي تغطى بثوب الطيب والمله
فرقاه عيد وعلى فرقاه دحينا
فهدبن زعزوع القشه ( نسّااااي )
?????
رفيقك اللي زهمته علمه وقله
على الطريق الصواب الله يهدينا
كلً طراته تبي تجيك في حله
وبصحابنا الطيب ماضاعت هقاوينا
فهد النومسي العنزي
