جديد القصائد
ويسأل: من تتوق لرفقته أصله من أي بلاد من أي الدين..
ويسأل: من تتوق لرفقته أصله من أي بلاد
من أي الدين..
قلت اسمع جوابن حان تطويعه
رفيقي أصله أخلاقن لها الصبح الندي ينقاد
رفيقي دينه أخلاقن تصب العطر وتذيعه
توطن بالمكارم ماعبرها صدفة ن وعناد
هجير الطيب هو مصياف قلبه هو مرابيعه
عفيف لسان ماهو للسخيف من الحكي وراد
كثيف إحسان لاشح الزمن فاضت ينابيعه
يهزه دمع طفل أو بيت شعر او عاشق وميعاد
ويثبت في نهارن يخلف الساطين ترويعه
يشوف الذل دربن ممتلي بالجارح الوقاد
يحس العز نبضه لو يخونه حان توديعه
الا ياطيف يسأل خذ جوابن مايبي ترداد
جوابن سهل ما يشغلك تكثفيه وتفريعه:
أتوق لرفقة الطيب ولاأسال هو من أي بلاد
ولا افكر من السنة يكون أو هو من الشيعة
رفيق الغدر أبيعه لو صلاته تذهل العباد
ووافي العهد لو يعبد حجر ما والله ابيعه
