قصيدة رثاء للشاعر/ عبد العزيز شلاش العنزي (درع عنزه) في أخيه سلمان رحمه الله

يامسندي سلمان لي فيك عازات
بس القبر بيني وبينك حجبني

صحيح بن الموت هدام لذات
ليته بدالك يا عضيدي خذبني

ليتك بجنبي في الليال الصعيبات
ولا الرخاء كل العرب تصطحبني

لو سنت الحيين تسمع للأموات
لاصيح لك وقول وقتي غلبني

من يوم فقدك والفكر كله شتات
ما فيه شيءٍ بحياتي عجبني

لاضقت ناديتك وطوحت الأصوات
تكفى ولو بالحلم لصحت جبني