شيلة ” الله كريم ” كلمات الشاعر فهد زعزوع العنزي وأنشاد محمد بن فتن
باب الأمل مفتوح ماصك بابه
وباب الرجا ماله مفاتيح ينصك
الله كريم ولاخذل من هقابه
سبحانه المعبود ما يلحقه شك
مهما تضيق دروبنا فك بابه
لوصكت ابواب البشر بابه انفك
جيته وانا فيني طعونٍ (ن)تشابه
من ضيمها قامت تدك الحشا دك
الصمت في بُعده تعدا انصابه
والنوح بدموعه يحك الجفن حك
والله مالي راحةٍ(ن) في غيابه
لو تثني الدنيا لي ركابها رك
يجري غلاه بداخل الروح مابه
غيره ولا غيره يقينٍ(ن) بلا شك
من صغر سنّه بالحشا له مهابه
متملكه قلبي و معطيه به صك
يالله …. ترده لو يطوّل غيابه
ترتاح عينٍ(ن) دمعها ضكها ضك
“تصميم الشيلة اهداء الى الشاعر فهد العنزي من اخوانك الأعلامي شاكر الثبيتي و المنشد المبدع محمد بن فتن والأعلامي ابراهيم العنزي “
