جديد القصائد
عسى السعاده ماتفارق محياك وعسى السعاده في حياتك وليفه
عسى السعاده ماتفارق محياك
وعسى السعاده في حياتك وليفه
يالشمري يامن على العز منشاك
يا سيدي روحي فداكم حليفه
لك ياالعمودي مرحبا والف حياك
ترحيبةٍ للطيب تردف رديفه
فنجالها ما يشربه غيرشرواك
بن الشيوخ معتقٍ من قطيفه
واقدع يابومتعب على حد يمناك
تمرٍ حساوي حاجزينٍ نظيفه
و مفطحاتٍ عن يمينك و يسراك
لك ياعريب الجد ما هي كليفه
والمعذره ياعزوتي لا عدمناك
سيفٍ مرصع بالذهب لك نضيفه
تستاهل التقدير ياحي ملفاك
يا ابن العمودي ياسليل المنيفه
اهداء للأعلامي الأستاذ / طلاع العمودي
من
الشاعر : فهدزعزوع القشه السلطاني
