احرص تعلّم ما يفيدونك الناس الناس ….ما فادوك قبل اتعلّم !؟

احرص تعلّم  ما يفيدونك  الناس 
          الناس ….ما فادوك  قبل  اتعلّم !؟

هٰذا يبي ترضيه والوضع محتاس
          وهٰذا عشان  من  الجماعه  اتبلمّ

وهٰذا قريب و غالي و يرفع الراس
          و هٰذا ردي و الناس  عنه ا تكلّم 

وهٰذا عفن مضياف ما ضافه الناس
             و هذا خبل  و بزين حظه تلملم

وهذا خبيث و طبعه يفرّق  الناس
           وهذا حسود..و لو ضحكت يتألّم

وهذا يغار و لاعرف غيرة  الناس
             وهذا  بشين الظن  صلىٰ و سلّم 

وهذا يحاول بالحكي يحرق الناس
              وهذا بعد يمشون حقده  تولّم   

وهذا يصلي همه رضاية الناس 
               وهذا على درب  المصالح  تعلّم 

وهذا من الشيخه يصدد عن الناس
               و هذا من التّجار صامت وبلّم 

هذا وهذا عندهم تفرق الناس 
              و هذا وذاك  وذاك محدٍ  تكلَم

وهذا على النيه ولا يعرف الناس 
              وهذا فقير و دمع الاوجاع سلّم