آه ياونتي ونت سقيم
مالقوله علاج اولا دوى
والله اني مانسيتك ياوسيم
سال دمع العين والقلب انكوى
وصلت هذة الأبيات للشاعر / عبدالعزيز الحارثي ورد عليها بهذة القصيدة يقول فيها:
جتني رساله من عزيزن وغالي
مضمونها يشكي الحزن والهمومي
ادري همومك مثل صم الجبالي
وادري على شمسك سواة الغيومي
كثير ماتخفيه سود الليالي
ومن السما ياكم تهاوى نجومي
وسيم رمز إمن الرجال الثقالي
تبكيه بالحارث وحتى البقومي
يابو وسيم الصبر في كل حالي
ولا لها غير الصبر والعزومي
إللي حصل مكتوب رب الجلالي
كم واحدن مثلك رمته السهومي
استخلف الله في قروم العيالي
واطلب له الجنه وربك رحومي
ولاتقول إني لوحدي لحالي
جنبك مشاري مثل صقرن يحومي
وابو دحيم بعد ربي ضلالي
شجيع مثل ابوه ماهو رخومي
منزالكم معروف فوق العلالي
والطيب فيكم والوفا والسلومي
