جديد القصائد
مرثية الشاعر “نافع فالح العازمي” في الشيخ “سعد بن عبيد بن رفيعه ” رحمه الله
يبو فهد ساع للذل استعديت
واصبحت انافٓس على راس الطويله
اكذب ليا قلت ما ذليت ذليت
وادركت ماعاد لي ضلع بديله
يا موت ليتك بتاجي ما تغديت
كسبت لك في معروف وجميله
يا موت ماتاخذ الا وسْط البيت
ايتمت الاطفال و ايتمت القبيله
يا لايمي في سعد لو كان ونيت
اللي ما يعرف سعد و عزتيله
سعد سعد تاج راس الحي والميِت
سعد ليا ازريت عن حملي يشيله
بغيت اَخفي دموع العين وازريت
يا ليت قّدْم رحيلي عن رحيله
رحت ابا اعزي ولحظه باين البيت
انهرت وازداد طاعوني مليله
ليا ذكرت الجناب الدمث هليت
دموع عيني مثل وبل المخيله
لو ان فالبيت اهل نخوه واهل صيت
والعرق جساس والشجرة ضليله
لاكن لطرى علي الشيخ ونيت
ابطي وكبدي على فقده عليله
